ប្រពន្ធ​ព​លរដ្ឋ​អង់​​គ្លេស​ម្នាក់​អត់​​អាហារ​ដល់​ស្លាប់​​ក្នុង​រដ្ឋធា​នី​​ស៊ូដង់

អ្នកស្រី Alaweya Rishwanភរិយារបស់ពលរដ្ឋអង់គ្លេស Abdalla Sholgami បានស្រេកឃ្លានស្លាប់នៅក្នុងផ្ទះរបស់នាងក្នុងរដ្ឋធានីស៊ូដង់ ដោយសារតែនាងមិនបានទទួលជំនួយជម្លៀសចេញបើទោះបីជានាងរស់នៅក្បែរស្ថានទូតអង់គ្លេសក៏ដោយ។Abdalla Sholgami អាយុ៨៥ឆ្នាំ ម្ចាស់សណ្ឋាគារនៅទីក្រុងឡុងដ៍ រស់នៅជាមួយ Alawya Rishwan ប្រពន្ធពិការអាយុ៨០ឆ្នាំរបស់គាត់ នៅជិតស្ថានទូតអង់គ្លេសនៅទីក្រុង Khartoum រដ្ឋធានីស៊ូដង់។គ្រួសាររបស់ Sholgami បាននិយាយកាលពីថ្ងៃទី ២៦ឧសភាថា ទោះបីជាយ៉ាងណាក៏ដោយ ពួកគេមិនត្រូវបានគាំទ្រទេ។ប៉ុន្តែត្រូវស្វែងរកផ្លូវផ្ទាល់ខ្លួនទៅកាន់អាកាសយានដ្ឋានមួយនៅជាយក្រុង Khartoum ដើម្បីឡើងយន្តហោះជម្លៀសខ្លួន។

ផ្សែងខ្មៅហុយចេញពីអាកាសយានដ្ឋានអន្តរជាតិ Khartoum កាលពីថ្ងៃទី២០ ខែមេសា។ រូបថត៖ AFP

ជនជាតិអង់គ្លេសនិងជនជាតិផ្សេងទៀតត្រូវបានស្នើសុំឱ្យចាកចេញពីប្រទេសស៊ូដង់បន្ទាប់ពីការប្រយុទ្ធគ្នាបានផ្ទុះឡើងកាលពីថ្ងៃទី១៥ខែមេសា រវាងកងទ័ពដែលដឹកនាំដោយឧត្តមសេនីយ៍ Abdel-Fattah al-Burhan និងក្រុមយោធាដែលដឹកនាំដោយកងកម្លាំងគាំទ្រ(RSF) ដែលបញ្ជាដោយឧត្តមសេនីយ៍ Mohamed Hamdan Dagalo ។ ដើម្បីទៅដល់ព្រលានយន្តហោះSholgamiនឹងត្រូវឆ្លងកាត់តំបន់សង្រ្គាមរវាងក្រុមទាំង២។ដោយប្រឈមមុខនឹងអាហារគ្មានទឹក លោក Sholgami ត្រូវបង្ខំចិត្តទុកប្រពន្ធនៅផ្ទះដើម្បីចេញទៅរកជំនួយ។នៅតាមផ្លូវ គាត់ត្រូវបានអ្នកលបបាញ់៣ដង។ប៉ុន្តែបានរួចរស់ជីវិត បន្ទាប់ពីត្រូវបានគេនាំទៅសាច់ញាតិនៅKhartoum ។ក្រុមគ្រួសារបាននិយាយថា Alawaya Rishwan ត្រូវតែការពារខ្លួននាង ពីព្រោះផ្ទះដែលនាងជាប់នៅក្នុងនោះស្ថិតនៅក្នុងតំបន់ដែលហ៊ុំព័ទ្ធដោយអ្នកលបបាញ់។ ស្ត្រី​ពិការ​នោះ​បាន​ស្រេក​ឃ្លាន​រហូត​ដល់​ស្លាប់ដោយសារ​នាង​ត្រូវ​បាន​គេ​ទុក​ចោល​ជា​ច្រើន​ថ្ងៃ ។Azhaar ជាចៅប្រុសរបស់ Sholgami ដែលធំធាត់នៅ Khartoum បាននិយាយថាស្ថានទូតអង់គ្លេស "គ្រាន់តែពីរបីជំហានប៉ុណ្ណោះ" ពីផ្ទះជីដូនជីតារបស់គាត់។ Azhaar បាន​រិះគន់​ស្ថានទូត​អង់គ្លេស​ថា​មិន​បាន​ការពារ​សោកនាដកម្ម​នេះ​មិន​ឲ្យ​កើតឡើង​ចំពោះ​ជីដូនជីតា​របស់​គាត់​។នៅទីក្រុង Khartoum កូនប្រុសរបស់ Sholgamiបានធ្វើការវះកាត់យកគ្រាប់កាំភ្លើងចេញពីឪពុករបស់គាត់ដោយមិនមានការប្រើថ្នាំសន្លប់។លោក Sholgamiត្រូវបានផ្ទេរទៅប្រទេសអេហ្ស៊ីប ដើម្បីព្យាបាលបន្ថែម។ការិយាល័យការបរទេសរបស់ចក្រភពអង់គ្លេសបាននិយាយថាប្រតិបត្តិការជម្លៀសពលរដ្ឋចេញពីប្រទេសស៊ូដង់ "បានបញ្ចប់ដោយជោគជ័យ" កាលពីថ្ងៃទី៣ខែឧសភា ដោយមនុស្សជាង ២,៤៥០នាក់ត្រូវបានហោះហើរទៅក្រៅប្រទេសតាមជើងហោះហើរចំនួន ៣០ដែលភាគច្រើនជាជនជាតិអង់គ្លេសនិងអ្នកនៅក្នុងបន្ទុក។ ទីភ្នាក់ងារនេះបានសាទរវាថាជាការជម្លៀស"ធំបំផុត" នៃប្រទេសលោកខាងលិច។អ្នកនាំពាក្យរូបនេះបាននិយាយថា"ករណី Sholgamiគឺគួរឱ្យសោកស្ដាយជាខ្លាំង។ជម្លោះយោធាដែលកំពុងបន្តមានន័យថាសមត្ថភាពរបស់យើងក្នុងការជួយមានកម្រិតធ្ងន់ធ្ងរហើយយើងមិនអាចជួយមនុស្សម្នាក់ៗដោយផ្ទាល់នៅក្នុងប្រទេសស៊ូដង់បានទេ" អ្នកនាំពាក្យក្រសួងការបរទេសអង់គ្លេសបាននិយាយ។ចាប់តាំងពីជម្លោះផ្ទុះឡើង ជនជាតិស៊ូដង់ជិត១,១ លាននាក់ត្រូវបានផ្លាស់ទីលំនៅ ឬភៀសខ្លួនទៅក្រៅប្រទេស។ អង្គការសុខភាពពិភពលោក (WHO) បាននិយាយថាយ៉ាងហោចណាស់មនុស្ស៧០៥នាក់ត្រូវបានសម្លាប់និង ៥,២៨៧នាក់បានរងរបួសនៅក្នុងការប្រយុទ្ធគ្នា។ប៉ុន្តែបានព្រមានថាចំនួនអ្នកស្លាប់ពិតប្រាកដអាចនឹងមានច្រើនជាងនេះ។ការប្រយុទ្ធគ្នារវាងកងទ័ព និង RSFក៏បានធ្វើឱ្យប្រទេសស៊ូដង់ស្ថិតក្នុងស្ថានភាពគ្មានច្បាប់និងសណ្តាប់ធ្នាប់ ហើយការលួចប្លន់បានផ្ទុះឡើង។ឃ្លាំងស្តុកស្បៀងអាហារសាច់ប្រាក់ និងសម្ភារៈចាំបាច់របស់ប្រជាជនកាន់តែបាត់បង់ ខណៈស្ថានទូត និងស្ថានបេសកកម្មការទូតបរទេសជាច្រើននៅក្នុងប្រទេសស៊ូដង់ត្រូវបានវាយប្រហារ៕ប្រភពGuardian