ជនជាតិ​​​ឥ​ណ្ឌា​​ម្នាក់​ត្រូវ​បាន​គេ​​​អះ​​អាងថាបាន​​ចាញ់​បោ​កក្រុម​ជួញ​​ដូរ​ម​​នុស្ស​​នៅ​​កម្ពុជា​

 យុវជនអាយុ២១ឆ្នាំម្នាក់មកពីទីក្រុងHyderabadបានអះអាងថាខ្លួនត្រូវបានសន្យាថានឹងទទួលបានការងារជាប្រតិបត្តិករបញ្ចូលទិន្នន័យនៅក្នុងប្រទេសកម្ពុជា។ប៉ុន្តែត្រូវបានបង្ខំឱ្យធ្វើសកម្មភាពបោកប្រាស់និងជំរិតប្រាក់ពីមនុស្ស។Mohammed Ismail Ullah បានស្វែងរកជំនួយពីរដ្ឋមន្ត្រីការបរទេសS Jaishankar ដើម្បីខ្លួនអាចត្រឡប់ទៅ Telangana វិញ។ យុវជនរូបនេះមានការភ័យ​ខ្លាច​ដល់អាយុជីវិតដោយ​ទទួល​បាន​ការ​គំរាម​កំហែង​ពី​ថៅកែខ្លួន។យុវជនរូបនេះបានអះអាងថាលិខិតឆ្លងដែនរបស់ខ្លួនត្រូវបានដកហូតហើយត្រូវបានគេវាយដំប្រសិនបើបដិសេធមិនធ្វើតាមនូវអ្វីដែលគេបានប្រាប់។ Ismail បានប្រាប់ STOI ពីទីក្រុងភ្នំពេញកាលពីថ្ងៃសៅរ៍ថាលិខិតឆ្លងដែនត្រូវបានបំផ្លាញដោយមនុស្សដែលបានជ្រើសរើសគាត់ឱ្យមកធ្វើការនៅប្រទេសកម្ពុជា។Ismail និយាយថា“ខ្ញុំ​ត្រូវ​គេ​វាយ​ដំ​យ៉ាង​ខ្លាំងហើយខ្ញុំ​មាន​របួស​ជាច្រើន»។ជននេះរង​របួស​ត្រង់​ក្បាលនិង​ជើង។ដោយចង់ធ្វើការផ្នែកបច្ចេកវិទ្យាព័ត៌មាននៅក្នុងប្រទេសថៃ ជនជាតិឥណ្ឌាជាង៣០០នាក់ រួមទាំង Telugus ត្រូវបានក្លាយជាជនរងគ្រោះក្នុងប្រទេសមីយ៉ាន់ម៉ាតាំងពីខែកញ្ញា ឆ្នាំ ២០២២។ពួកគេត្រូវបានបង្ខំឱ្យធ្វើឧក្រិដ្ឋកម្មតាមអ៊ីនធឺណិត ហើយអ្នកដែលបដិសេធមិនស្តាប់បង្គាប់ត្រូវបានវាយដំ និងឆក់ដោយអគ្គិសនី។Ismail បាននិយាយថា “ខ្ញុំបានទៅសុំជំនួយពីស្ថានទូតឥណ្ឌា។ពួកគេ​បាន​ស្នើ​ឱ្យ​ខ្ញុំ​ដាក់​ពាក្យ​បណ្តឹង​​ជាមួយ​នគរបាល​ក្នុងស្រុក។ប៉ុន្តែ​ខ្ញុំ​បារម្ភ​ថា​តើ​​ក្រុមហ៊ុន​នឹង​ធ្វើ​អ្វី​មក​លើ​ខ្ញុំ។ខ្ញុំ​ភ័យ​ខ្លាច​ ព្រោះ​ខ្ញុំ​ត្រូវ​គេ​ធ្វើ​ទារុណកម្ម​លើ​រាង​កាយ»។រូបថតធ្វើទារុណកម្មរបស់ជននេះត្រូវបានចែករំលែកដោយបុគ្គលិកសង្គមនិងមេដឹកនាំ MBT លោក Amjed Ullah Khan នៅលើ Twitter ដែលបានជំរុញឱ្យលោករដ្ឋមន្រ្តី Jaishankar ជួយសង្គ្រោះ Ismail ពីកណ្តាប់ដៃរបស់ថៅកែ។នៅពេលមកដល់ប្រទេសកម្ពុជា Ismail ត្រូវបានបង្ខំអោយបោកប្រាស់មនុស្សនិងយកប្រាក់ពីពួកគេ។នៅក្នុងលិខិតមួយផ្ញើទៅកាន់ក្រសួងការបរទេសឥណ្ឌា បងប្រុសរបស់ Ismail លោក Mohammed Yaseen Khan បាននិយាយថា ប្អូនប្រុសខ្លួនបានបន្តការសិក្សាសញ្ញាបត្រនៅប្រទេសសិង្ហបុរី ហើយបានត្រឡប់ទៅ Telangana វិញនៅថ្ងៃទី១៩ ខែកុម្ភៈឆ្នាំនេះ។ពេល​នៅ​សិង្ហបុរី មាន​មនុស្ស​ម្នាក់​ដែល​មក​ពី​ប្រទេស​ឥណ្ឌា​បាន​សន្យាផ្តល់​ការងារ​នៅ​កម្ពុជាអោយប្អូនរបស់ខ្លួន។ជនជាតិឥណ្ឌា​នៅ​សិង្ហ​បុរី​បាន​សុំ​លុយ​២,៥​lakh​ដើម្បី​រត់ការដាក់ពាក្យ​សុំ​ការងារនិងបន្ទាប់មកបានសុំលុយ១lakh បន្ថែមទៀត។Ismailបានបង់ប្រាក់ជាមុនហើយដំបូងបានទៅទីក្រុងបាងកកតាមរយៈទិដ្ឋាការភ្ញៀវទេសចរនៅថ្ងៃទី៧ ខែមេសា។«​បន្ទាប់​ពី​បាន​ទៅ​ដល់​ទីក្រុង​បាងកក អ្នក​បើក​តាក់ស៊ី​ម្នាក់​បាន​រង់ចាំ​គាត់ ហើយ​បាន​យក​គាត់​ទៅ​ព្រំដែន​កម្ពុជា​។ នៅពេលដែលគាត់ចូលប្រទេសអ្នកបើកតាក់ស៊ីម្នាក់ទៀតបាននាំគាត់ដោយផ្ទាល់ទៅកាន់ក្រុមហ៊ុនដែលគាត់ត្រូវធ្វើការ”។Ismail និយាយថា “ខ្ញុំ​បដិសេធ​មិន​ធ្វើ​ការងារ​នោះ​ទេ ហើយ​បាន​ស្នើ​ឲ្យ​បញ្ជូនខ្ញុំ​ទៅ Telangana វិញ។ ពួក​គេ​បដិសេធ​ដោយ​និយាយ​ថាខ្ញុំត្រូវ​​បង់​ប្រាក់​៣​lakh ​ទៅ​ឱ្យ​ភ្នាក់ងារ​ដែល​យក​ខ្ញុំ។ ខ្ញុំ​ត្រូវ​សង​គេ​វិញ​នូវ​ចំនួន​នោះ។ ខ្ញុំ​បាន​ប្រាប់​ពួកគេ​ថា​ខ្ញុំ​មិនមានលុយច្រើនបែបនេះទេ”។ភ្នាក់ងារដែលបានជ្រើសរើសIsmail មិនបានទាក់ទងមកខ្លួនវិញទេទោះបីជាគាត់បានព្យាយាមទាក់ទងគាត់ក៏ដោយ។Times of India/Khmer Times

រូបថតជនរងគ្រោះ​រង​របួស​ចុះនៅ​ក្នុង​គេហទំព័រ​ប្រព័ន្ធ​ផ្សព្វផ្សាយ​​របស់​ប្រទេស​ឥណ្ឌា។