ទីក្រុងម៉ូស្គូរងការវាយប្រហារដោយយន្តហោះគ្មានមនុស្សបើក
អភិបាលក្រុងម៉ូស្គូប្រទេសរុស្ស៊ី លោក Sergey Sobyanin បាននិយាយថា យានជំនិះគ្មានមនុស្សបើក(UAVs) បានបំផ្លាញអគារលំនៅដ្ឋានជាច្រើន ដែលជំរុញឱ្យមនុស្សជម្លៀសចេញ។
RTកាលពីថ្ងៃទី៣០ ឧសភា បានដកស្រង់សម្តីលោក Sobyanin ដែលនិយាយថា យន្តហោះគ្មានមនុស្សបើក"វាយប្រហាររដ្ឋធានីម៉ូស្គូ-រុស្ស៊ី" នៅព្រឹកថ្ងៃដដែលដោយបានបំផ្លាញអគារមួយចំនួន។យោងតាមការជូនដំណឹងដែលបានបង្ហោះនៅលើបណ្តាញ Telegram លោកSobyaninបានបញ្ជាឱ្យជម្លៀសអ្នកស្រុកចេញពីអគារផ្ទះល្វែងគោលដៅ២។ទន្ទឹមនឹងនេះទីភ្នាក់ងារសារព័ត៌មាន RIA Novosti បានដកស្រង់សម្តីមន្ត្រីសង្គ្រោះបន្ទាន់របស់រុស្ស៊ីដែលបាននិយាយថា "UAVs ចំនួន២បានជាប់ពាក់ព័ន្ធក្នុងការវាយប្រហារ" ។មិនមានព័ត៌មានអំពីការស្លាប់និងរបួសទេ។Sobyaninដកស្រង់ទិន្នន័យវេជ្ជសាស្ត្ររបស់ទីក្រុងម៉ូស្គូបាននិយាយថាគ្មានអ្នករស់នៅក្នុងអគារណាម្នាក់ដែលរងការវាយប្រហារដោយយន្តហោះគ្មានមនុស្សបើកបានរងរបួសធ្ងន់ធ្ងរនោះទេ។លោកបានបន្ថែមថាមនុស្ស២នាក់បានស្នើសុំជំនួយផ្នែកវេជ្ជសាស្រ្ដនៅកន្លែងកើតហេតុ ។ប៉ុន្តែគ្មានអ្នកណាម្នាក់ត្រូវទៅមន្ទីរពេទ្យទេ។អភិបាលម៉ូស្គូលោក Andrey Vorobyov បានសរសេរនៅលើបណ្តាញ Telegram ថា "យន្តហោះ UAV ជាច្រើនត្រូវបានបាញ់ទម្លាក់ដោយប្រព័ន្ធការពារដែនអាកាស នៅពេលដែលពួកគេបានហោះឆ្ពោះទៅកាន់ទីក្រុង"។ប៉ុស្តិ៍ Telegram "SHOT" បានបង្ហោះវីដេអូដែលមិនបានផ្ទៀងផ្ទាត់ ដោយបង្ហាញពីUAVដែលត្រូវបានបំផ្លាញនៅកណ្តាលអាកាស។"ការវាយប្រហារ"កើតឡើងបន្ទាប់ពីយន្តហោះគ្មានមនុស្សបើក២គ្រឿងបានព្យាយាមវាយប្រហារវិមានក្រឹមឡាំងកាលពីដើមខែនេះ។ប៉ុន្តែមិនបានសម្រេច។ ទីក្រុងម៉ូស្គូបានចោទប្រកាន់ទីក្រុងគៀវពីផែនការធ្វើឃាតប្រធានាធិបតី Vladimir Putinហើយបានប្តេជ្ញាសងសឹក។ទោះបីជាយ៉ាងណាក៏ដោយ ប្រធានាធិបតីអ៊ុយក្រែន លោក Volodymyr Zelensky បានទទូចថា ប្រទេសរបស់លោកមិនបានវាយប្រហារទីក្រុងម៉ូស្គូឬវិមានក្រឹមឡាំងនោះទេ។ទីក្រុងម៉ូស្គូមានចម្ងាយជាង១,០០០ គីឡូម៉ែត្រពីប្រទេសអ៊ុយក្រែន ហើយកម្រត្រូវបានវាយប្រហារដោយយន្តហោះគ្មានមនុស្សបើកចាប់តាំងពីប្រទេសរុស្ស៊ីបានចាប់ផ្តើមយុទ្ធនាការយោធារបស់ខ្លួនកាលពីខែកុម្ភៈឆ្នាំមុន។មុននោះនាថ្ងៃទី២៩ឧសភាកងកម្លាំងរុស្ស៊ីបានបាញ់កាំជ្រួចជាបន្តបន្ទាប់នៅរដ្ឋធានីគៀវ-អ៊ុយក្រែន។ នេះត្រូវបានគេចាត់ទុកថាជាការវាយប្រហារពេលថ្ងៃមិនធម្មតាក្នុងរដ្ឋធានីអ៊ុយក្រែនបន្ទាប់ពីការវាយប្រហារក្នុងពេលយប់៕ប្រភពCNN
/unnamed.png
Post a Comment