នាយករដ្ឋមន្ត្រីហ៊ុនសែនមានប្រសាសន៍ថាអវត្តមានបក្សនយោបាយមួយឬពីរមិនមែនមានន័យថាលទ្ធិប្រជាធិបតេយ្យនៅកម្ពុជាត្រូវបំផ្លាញនោះទេ
សម្តេចនាយករដ្ឋមន្ត្រី ហ៊ុន សែនបានមានប្រសាសន៍ថាអវត្តមានគណបក្សនយោបាយមួយឬពីរមិនមែនមានន័យថាលទ្ធិប្រជាធិបតេយ្យនៅកម្ពុជាត្រូវបំផ្លាញនោះទេ។ ថ្លែងក្នុងពិធីសំណេះសំណាលជាមួយអត្តពលិកកីឡាប៉ារ៉ាកម្ពុជា នៅវិមានសន្តិភាព រាជធានីភ្នំពេញ មុនការប្រកួតកីឡាអាស៊ានប៉ារ៉ាហ្គេម លើកទី១២ សម្តេចហ៊ុន សែន បានថ្លែងថា គណបក្សនយោបាយសរុបចំនួន១៨ នឹងចូលរួមការបោះឆ្នោតជាតិ នៅថ្ងៃទី២៣ ខែកក្កដា ឆ្នាំ២០២៣ ដោយសេរី និងត្រឹមត្រូវ យុត្តិធម៌។
ប្រតិកម្មរបស់នាយករដ្ឋមន្ត្រីនេះ ធ្វើឡើងបន្ទាប់ពីក្រុមប្រឹក្សាធម្មនុញ្ញកម្ពុជា បានសម្រេចកាលពីម្សិលមិញដើម្បីតម្កល់សេចក្តីសម្រេចរបស់គណៈកម្មាធិការជាតិរៀបចំការបោះឆ្នោត (គ.ជ.ប) មិនចុះឈ្មោះគណបក្សភ្លើងទៀន និងគណបក្សខ្មែររួបរួមជាតិ ដោយសារមិនគោរពច្បាប់បោះឆ្នោត នីតិវិធីនិងការជូនដំណឹងរបស់ គ.ជ.ប.សម្តេចបន្ថែមថា ការបដិសេធនេះ មិនបំពានលើកិច្ចព្រមព្រៀងសន្តិភាពទីក្រុងប៉ារីសឆ្នាំ ១៩៩១ និងរដ្ឋធម្មនុញ្ញកម្ពុជាដោយពន្យល់ថាឯកសារទាំង២នេះមិននិយាយអំពីគណបក្សប្រឆាំងទេគឺនិយាយតែអំពីលទ្ធិប្រជាធិបតេយ្យ សេរីពហុបក្សប៉ុណ្ណោះ។គណបក្សនយោបាយសរុបចំនួន ២០ បានចុះបញ្ជីគណបក្ស និងបេក្ខជនរបស់ខ្លួនជាមួយ គ.ជ.ប ដើម្បីប្រកួតប្រជែងការបោះឆ្នោតជាតិនាពេលខាងមុខ។ប៉ុន្តែមានតែ១៨ គណបក្សប៉ុណ្ណោះដែលត្រូវបានអនុម័ត។គណបក្សនយោបាយដែលបានចុះឈ្មោះបោះឆ្នោតទាំងនោះ មានគណបក្សប្រជាជនកម្ពុជា គណបក្សយុវជនកម្ពុជា គណបក្សខ្មែររួបរួមជាតិ គណបក្សធម្មាធិបតេយ្យ គណបក្សអំណាចប្រជាធិបតេយ្យ គណបក្សសញ្ជាតិកម្ពុជា គណបក្សខ្មែររួបរួម គណបក្សខ្មែរអភិរក្ស គណបក្សហ្វ៊ុនស៊ិនប៉ិច គណបក្សសំបុកឃ្មុំសង្គមប្រជាធិបតេយ្យ គណបក្សបំណងពលរដ្ឋ គណបក្សឯកបក្សជាតិខ្មែរ គណបក្សស្ត្រីដើម្បីស្រ្តីគណបក្សខ្មែរឈប់ក្រគណបក្សអភិវឌ្ឍន៍សេដ្ឋកិច្ចខ្មែរ គណបក្សជនជាតិដើមប្រជាធិបតេយ្យកម្ពុជាគណបក្សប្រជាធិបតេយ្យមូលដ្ឋាន និងគណបក្សកសិករខ្មែរ៕AKP/Khmer Times
/unnamed.png
Post a Comment