ប្រទេ​​ស​ឥណ្ឌានិង​សុ​​បិនអាក្រក់​​ចរា​ចរណ៍ផ្លូវ​គោ​ក

 យោងតាមធនាគារពិភពលោកគ្រោះថ្នាក់ចរាចរណ៍នៅក្នុងប្រទេសឥណ្ឌា បណ្តាលឱ្យមនុស្សស្លាប់និងពិការជាង៩០០,០០០នាក់ក្នុងមួយឆ្នាំៗ ច្រើនជាងកន្លែងផ្សេងទៀតនៅក្នុងពិភពលោក។ អមដោយការខាតបង់រហូតដល់១៥៦ពាន់លានដុល្លារ។

ចរាចរណ៍​មាន​មនុស្ស​កកកុញ និង​ចលាចល​ក្នុង​តំបន់​មួយ​ក្នុង​ទីក្រុង Mumbai - ប្រទេស​ឥណ្ឌា រូបភាព៖ BLOOMBERG

កាលពីដើមឆ្នាំនេះរដ្ឋមន្ត្រីដឹកជញ្ជូនផ្លូវគោករបស់ប្រទេសឥណ្ឌាលោក Nitin Gadkariបានអំពាវនាវឱ្យមានការខិតខំប្រឹងប្រែងដើម្បីកាត់បន្ថយការស្លាប់ដោយគ្រោះថ្នាក់ចរាចរណ៍ចំនួន៥០% នៅឆ្នាំ២០២៥។ទោះជាយ៉ាងណាក៏ដោយ Bloomberg បាននិយាយថាការសម្រេចបាននូវគោលដៅខាងលើគឺមិនងាយស្រួលនោះទេដោយសារតែបញ្ហាប្រឈមជាបន្តបន្ទាប់។ទី១គឺអំពីការរចនាផ្លូវ។លោក S.Velmurugan អ្នកជំនាញនៅវិទ្យាស្ថាន Central Institute of Road Research ក្នុងរដ្ឋធានី New Delhi បាននិយាយថា ការត្រួតពិនិត្យសុវត្ថិភាពនៃការរចនាផ្លូវមុនពេលចាប់ផ្តើមការសាងសង់មិនទទួលបានការយកចិត្តទុកដាក់ច្រើននោះទេ។អ្នកសាងសង់ពឹងផ្អែកលើកម្មវិធីដើម្បីរចនាផ្លូវដោយមិនពិនិត្យមើលថាតើវាឆ្លើយតបនឹងតម្រូវការរបស់អ្នកប្រើប្រាស់ទាំងអស់ក៏ដូចជាធានាថាមិនមានគុណវិបត្តិ... យោងតាមលោក S.Velmurugan ប្រសិនបើអាជ្ញាធរអនុវត្តយ៉ាងតឹងរ៉ឹងនោះចំនួនអ្នកស្លាប់ ពីគ្រោះថ្នាក់ចរាចរណ៍អាចកាត់បន្ថយបានរហូតដល់២៥% ។បញ្ហាមួយទៀតគឺការអនុលោមតាមច្បាប់។ឥណ្ឌា​មាន​បទប្បញ្ញត្តិ​ចរាចរណ៍​តឹងរ៉ឹង​មួយ​ចំនួន(ដូច​ជា​ការ​ប្រើ​ទូរសព្ទ​ដៃ កម្រិត​ជាតិ​អាល់កុល)។ប៉ុន្តែ​ការ​អនុវត្ត​គឺ​ធូររលុង។នេះ​បើ​តាម​អង្គការ​សុខភាព​ពិភពលោក។កំហុសទូទៅគឺការមិនគោរពស្លាកសញ្ញាចរាចរណ៍ ការបើកបរក្នុងស្ថានភាពស្រវឹងបើកបរម៉ូតូដែលផ្ទុកមនុស្សចាប់ពី ៣នាក់ឡើងទៅ... តាមពិតការបើកបរហួសល្បឿនកំណត់ហើយទៅខុសផ្លូវ គឺជាមូលហេតុដែលនាំឱ្យមនុស្សស្លាប់ក្នុងគ្រោះថ្នាក់ចរាចរណ៍ផ្លូវគោក។

លោកស្រី Preana Arora Singh នាយកប្រតិបត្តិនៃ People's Trust នៅទីក្រុង Jaipur បានផ្តល់យោបល់មួយចំនួនដូចជា ការយកចិត្តទុកដាក់បន្ថែមទៀតលើបទប្បញ្ញត្តិចរាចរណ៍ (ដែនកំណត់ល្បឿននៅក្នុងតំបន់ជុំវិញសាលារៀនតំបន់លំនៅដ្ឋាន។ សាលារៀន...សត្វពាហនៈ​ដែល​ដើរ​លើ​ផ្លូវ​ក៏​គំរាមកំហែង​ដល់​សុវត្ថិភាព​ផ្លូវ​ដែរ។គិតត្រឹមឆ្នាំ២០១៩មានសត្វគោចំនួន៥លានក្បាលនិងសត្វឆ្កែ១៥លានក្បាលនៅក្នុងប្រទេសឥណ្ឌា។ លោកស្រី Singh បាននិយាយថា រដ្ឋាភិបាលចាំបាច់ត្រូវផ្តល់ជម្រកសុវត្ថិភាពបន្ថែមទៀតសម្រាប់សត្វវង្វេង។ រដ្ឋាភិបាលក្នុងតំបន់នឹងគ្រប់គ្រងកន្លែងទាំងនេះដោយមានការគាំទ្រពីក្រុមសហគមន៍៕ពុតសាម៉ាត់