រុស្ស៊ីចោទអ៊ុយក្រែនថាបានប្រើHIMARSផលិតដោយអាមេរិកវាយប្រហារក្រុងLuganskដោយបានសម្លាប់មនុស្ស៥នាក់
ភាគីរុស្ស៊ីបានបញ្ជាក់ថាយ៉ាងហោចណាស់មនុស្ស៥នាក់បានស្លាប់និង១៩ នាក់រងរបួសនៅក្នុង"ការវាយប្រហាររបស់អ៊ុយក្រែន"លើភូមិមួយក្នុងតំបន់ Luganskដែលទីក្រុងម៉ូស្គូបានបញ្ចូលទៅក្នុងឧបសម្ព័ន្ធកាលពីខែកញ្ញា។
យោងតាមទីភ្នាក់ងារព័ត៌មានAFPមន្ត្រីរុស្ស៊ីនៅទីក្រុង Lugansk បានចោទប្រកាន់កងទ័ពអ៊ុយក្រែនថាបានវាយប្រហារភូមិKarpaty ក្នុងតំបន់ Lugansk (៣៥គីឡូម៉ែត្រភាគខាងលិចទីក្រុង Lugansk) នៅយប់ថ្ងៃទី៣០ ឧសភានិងព្រឹកព្រលឹមថ្ងៃទី ៣១ ឧសភា។ការវាយប្រហារនេះបានសម្លាប់មនុស្សយ៉ាងហោចណាស់៥នាក់និងរបួស១៩នាក់។រដ្ឋាភិបាលរុស្ស៊ីក្នុងតំបន់ Lugansk បានប្រកាសនៅលើ Telegram ថា "ការវាយប្រហារដោយក្រុមប្រដាប់អាវុធអ៊ុយក្រែនលើភូមិ Karpaty បានសម្លាប់មនុស្ស ៥នាក់ និងមនុស្ស១៩នាក់រងរបួស" ។ ក្រៅពីនេះ កសិដ្ឋានចិញ្ចឹមមាន់មួយកន្លែងនិងផ្ទះបណ្ដោះអាសន្នរបស់កម្មករក៏ត្រូវខូចខាតដែរ។Lugansk គឺជាទឹកដីមួយក្នុងចំណោមទឹកដីចំនួន៤ដែលរុស្ស៊ីបានដាក់បញ្ចូលកាលពីខែកញ្ញាឆ្នាំមុន។ភាគីរុស្ស៊ីមិនបានបញ្ជាក់ថាតើជនរងគ្រោះក្នុងការវាយប្រហារថ្ងៃទី៣១ឧសភាជាជនស៊ីវិលឬទាហានទេ។អាជ្ញាធរក្នុងតំបន់បាននិយាយថា "សត្រូវបានបាញ់រ៉ុក្កែតចំនួន៤" ពីប្រព័ន្ធបាញ់គ្រាប់រ៉ុក្កែតចល័តខ្ពស់(HIMARS)ជំនួយដោយសហរដ្ឋអាមេរិកទៅកាន់អ៊ុយក្រែន។នៅថ្ងៃទី៣១ខែឧសភាផងដែរ រដ្ឋាភិបាលតំបន់ Krasnodar(រុស្ស៊ី)បាននិយាយថាអ៊ុយក្រែនបានប្រើយន្តហោះគ្មានមនុស្សបើកដើម្បីវាយប្រហាររោងចក្រចម្រាញ់ប្រេងចំនួន២ដែលមានចម្ងាយតិចជាង៨០ គីឡូម៉ែត្រពីកំពង់ផែNovorossiiskដែលជាកំពង់ផែនាំចេញប្រេងធំបំផុតរបស់រុស្ស៊ី។ដូច្នោះហើយនៅម៉ោងប្រហែល១ទៀបភ្លឺយន្តហោះគ្មានមនុស្សបើកបានបង្កជាអគ្គីភ័យ បន្ទាប់ពីបានវាយប្រហាររោងចក្រចម្រាញ់ប្រេង Afipsky ។ មិនឆ្ងាយប៉ុន្មានយន្តហោះដ្រូនមួយគ្រឿងទៀតក៏បានវាយប្រហាររោងចក្រ Ilsky។ប៉ុន្តែមិនបានបន្សល់ទុកនូវការខូចខាតអ្វីឡើយ។អ៊ុយក្រែនមិនទាន់ឆ្លើយតបនឹងការចោទប្រកាន់ពីរុស្ស៊ីនៅឡើយទេ។
រុស្ស៊ីនិងអ៊ុយក្រែនបង្កើនការវាយប្រហារតាមអាកាសរួមគ្នា
នាពេលថ្មីៗនេះរុស្ស៊ីកំពុងបង្កើនការវាយប្រហារលើហេដ្ឋារចនាសម្ព័ន្ធយោធានិងបណ្តាញដឹកជញ្ជូនរបស់អ៊ុយក្រែនក្នុងបរិបទដែលទីក្រុងគៀវគ្រោងនឹងចាប់ផ្តើមការវាយប្រហារនៅនិទាឃរដូវ។ផ្ទុយទៅវិញ អ៊ុយក្រែនត្រូវបានគេនិយាយថាជាអ្នកនៅពីក្រោយការវាយប្រហារភេរវកម្មជាច្រើនលើទឹកដីរុស្ស៊ី។គោលដៅចម្បងនៃការវាយប្រហារទាំងនេះគឺយោធាការដឹកជញ្ជូន ឬហេដ្ឋារចនាសម្ព័ន្ធថាមពល(រោងចក្រថាមពល រោងចក្រចម្រាញ់ប្រេង។ល។)។យោងតាមទីភ្នាក់ងារសារព័ត៌មានReuters អ៊ុយក្រែនស្ទើរតែមិនដែលអះអាងទទួលខុសត្រូវចំពោះការវាយប្រហារទាំងនេះ៕ពុតសាម៉ាត់
/unnamed.png
Post a Comment