តើរដ្ឋមន្ត្រីកា​រ​​បរទេសអា​​​មេរិកនឹងជួបប្រធា​​នាធិបតីចិ​ន​ដែរឬទេ?

 រដ្ឋមន្ត្រីការបរទេសអាមេរិកលោកAntonyBlinkenនឹងជួបជាមួយអ្នកការទូតកំពូលរបស់ប្រទេសចិននិងទំនងជាប្រធានាធិបតី Xi Jinping នៅថ្ងៃទី១៩ខែមិថុនាដែលជាថ្ងៃចុងក្រោយនៃដំណើរទស្សនកិច្ចរបស់លោកទៅកាន់ទីក្រុងប៉េកាំង។

រដ្ឋមន្ត្រីការបរទេស Antony Blinken ជួបជាមួយរដ្ឋមន្ត្រីការបរទេសចិន Qin Gang នៅទីក្រុងប៉េកាំង ថ្ងៃទី១៨ខែមិថុនា។ រូបថត៖ Reuters

ក្នុងនាមជារដ្ឋមន្ត្រីការបរទេសអាមេរិកដំបូងគេដែលធ្វើទស្សនកិច្ចនៅប្រទេសចិនក្នុងរយៈពេល៥ឆ្នាំ Blinken មានកិច្ចសន្ទនា "ដោយស្មោះត្រង់"និង"ស្ថាបនា"ជាង៧ម៉ោងកន្លះជាមួយរដ្ឋមន្ត្រីការបរទេសចិន Qin Gang នៅថ្ងៃទី១៨ខែមិថុនា។ទោះជាយ៉ាងណាក៏ដោយ ភាគីទាំង២ហាក់ដូចជាមិនមានការរីកចម្រើនជាក់ស្តែងលើការខ្វែងគំនិតគ្នា រួមទាំងបញ្ហាតៃវ៉ាន់(ចិន)ពាណិជ្ជកម្ម។ភាគីទាំង២បានបង្ហាញពីបំណងចង់ធ្វើឱ្យទំនាក់ទំនងមានស្ថិរភាពទោះបីជាមន្ត្រីអាមេរិកមួយរូបហៅថា "ភាពខុសគ្នាយ៉ាងជ្រាលជ្រៅ" ក៏ដោយ។អ្នកទាំង២ក៏បានព្រមព្រៀងគ្នាថា លោក Qin នឹងធ្វើទស្សនកិច្ចនៅទីក្រុងវ៉ាស៊ីនតោនដើម្បីបន្តកិច្ចសន្ទនានេះ បើទោះបីជាមិនមានការប្រកាសកាលបរិច្ឆេទជាក់លាក់ក៏ដោយ។ទោះបីជាអ្នកទាំង២បាននិយាយថាកិច្ចពិភាក្សាកាលពីថ្ងៃទី១៨ ខែមិថុនា មានលក្ខណៈស្ថាបនាក៏ដោយ។ប៉ុន្តែភាគីទាំង២ហាក់ដូចជាយល់ព្រមគ្មានអ្វីក្រៅពីរក្សាការសន្ទនាជាមួយកិច្ចប្រជុំនៅទីក្រុងវ៉ាស៊ីនតោននិងធ្វើការរួមគ្នាដើម្បីជួយពលរដ្ឋនៃប្រទេសទាំង២ឆ្លងកាត់ព្រំដែនកាន់តែងាយស្រួលម្តងទៀត។ថ្លែង​បន្ទាប់​ពី​កិច្ច​ប្រជុំ​និង​អាហារ​ពេល​ល្ងាច មន្ត្រី​អាមេរិកនិង​ចិន​ទាំង​ពីរ​បាន​សង្កត់​ធ្ងន់​លើ​បំណង​ប្រាថ្នា​របស់​ពួក​គេ​សម្រាប់​ទំនាក់​ទំនង​ដែល​មាន​ស្ថិរភាពនិង​អាច​ទាយ​ទុក​មុន​បាន។យោងតាមទីភ្នាក់ងារសារព័ត៌មាន Reutersប្រទេសចិនក៏បានបញ្ជាក់យ៉ាងច្បាស់ថាតៃវ៉ាន់គឺជាបញ្ហាដ៏សំខាន់បំផុតនិងអាចមានគ្រោះថ្នាក់បំផុត។ក្រសួងការបរទេសបាននិយាយថាក្នុងអំឡុងពេលដំណើរទស្សនកិច្ចលើកដំបូងរបស់លោកទៅកាន់ប្រទេសចិនចាប់តាំងពីប្រធានាធិបតី Joe Biden ចូលកាន់តំណែង Blinken បានសង្កត់ធ្ងន់លើតម្រូវការក្នុងការកាត់បន្ថយហានិភ័យនៃការយល់ច្រឡំនិងការគណនាខុសក្នុងអំឡុងពេលកិច្ចប្រជុំជាមួយរដ្ឋមន្ត្រីការបរទេសចិន Qin Gang ។លោក Blinken នឹងជួបជាមួយលោក Wang Yi ប្រធានការិយាល័យនៃគណៈកម្មាធិការមជ្ឈិមទទួលបន្ទុកកិច្ចការបរទេសនៃបក្សកុម្មុយនីស្តចិននៅថ្ងៃទី១៩ ខែមិថុនា ។ប៉ុន្តែគ្រប់ភ្នែកទាំងអស់កំពុងមើលថាតើលោកនឹងជួបលោកXi Jinping ប្រធានាធិបតីដែរឬទេ។មន្ត្រីនិងអ្នកវិភាគសហរដ្ឋអាមេរិករំពឹងថា ដំណើរទស្សនកិច្ចរបស់Blinkenនឹងត្រួសត្រាយផ្លូវសម្រាប់កិច្ចប្រជុំទ្វេភាគីបន្ថែមទៀតនៅក្នុងប៉ុន្មានខែខាងមុខនេះរួមទាំងដំណើរទស្សនកិច្ចដែលអាចធ្វើទៅបានដោយរដ្ឋលេខាធិការរតនាគារ Janet Yellen និងរដ្ឋមន្ត្រីក្រសួងពាណិជ្ជកម្ម Gina Raimondo ។ដំណើរ​ទស្សនកិច្ច​នេះ​ក៏​អាច​កំណត់​ដំណាក់កាល​សម្រាប់​ការ​ចរចា​រវាង​ប្រធានាធិបតី Xi Jinping និង​ប្រធានាធិបតី Joe Biden នៅ​ក្នុង​កិច្ចប្រជុំ​កំពូល​ពហុភាគី​នៅ​ចុង​ឆ្នាំ​នេះ៕ពុតសាម៉ាត់