ឃ្លាត​ឆ្ងាយស្រុក​ផ្ងារជើង​​​​២​នា​ក់​ស្លាប់និ​ង​របួស​​ជា​ច្រើ​ន​​នា​ក់​

 រថយន្ត​​មួយគ្រឿង​បើក​បុក​និង​ក្រឡាប់​ផ្ងារជើង​បណ្តាល​ឲ្យ​បុរស​២​នាក់​ស្លាប់ និង​មានអ្នករបួស​ជាច្រើន​នាក់​នៅវេលា​ម៉ោង​២៣​និង​៣០​នាទី​ម្សិលមិញ​។ 

រូបថត៖ iStock/Khmer Times

លោកវរសេនីយ៍ទោ Worachai Sukying ប្រចាំប៉ុស្តិ៍នគរបាល Klong Luang ក្នុងខេត្ត Pathum Thani ទទួលបានដំណឹងអំពីកន្លែងកើតហេតុដែលមានជនរងគ្រោះជាពលករខ្មែរចំណាកស្រុក។សមត្ថកិច្ច​បាន​ប្រទះ​ឃើញ​រថយន្ត​ Mitsubishi ពណ៌​ទឹកប្រាក់ ក្រឡាប់​ផ្ងារជើង​ឡើង​លើ ដោយរង​ការ​ខូចខាត​យ៉ាងដំណំ។ បំណែកឡាន និង​របស់របរ​ផ្ទាល់ខ្លួន​ត្រូវ​បានធ្លាក់​រាយប៉ាយ​នៅ​ជុំវិញ​រថយន្ត ហើយមានអ្នករងរបួសជាច្រើននាក់ដោយក្នុងនោះមានបុរស៦នាក់ និងស្ត្រី ២នាក់ផងដែរ។​បុរស​២​នាក់​ដែលបាន​ស្លាប់​នៅ​កន្លែង​កើតហេតុ​ដែរគឺ​ជា​ជនជាតិ​ខ្មែរ ។ រថយន្ត​ដឹក​ទំនិញ​បាន​រេ​ចង្កូត​ធ្លាក់​ផ្លូវ​បានក្រឡាប់​ផ្ងារជើង និងបណ្តាល​ឲ្យ​អ្នក​រួម​ដំណើរ​ទាំង​៨​នាក់​ដែល​ជិះពីក្រោយរថយន្ត​បានខ្ទាតចេញ។ក្រុមអ្នកជួយសង្គ្រោះមកពីមូលនិធិ Ruam Katanyu បានជួយ និងដឹកអ្នករបួសភ្លាមៗទៅកាន់មន្ទីរពេទ្យ Thammasat University និងកន្លែងសង្រ្គោះនៅជិតផ្សេងទៀតៗ ដោយឡែក អ្នកបើកបរ​ជា​បុរស​ជនជាតិ​ខ្មែរ​ត្រូវបាន​គេ​ដឹក​យកទៅ​សង្គ្រោះ​នៅ​មន្ទីរពេទ្យ​ Sam Khok​។នឹងមានការស៊ើបសួរបន្ថែម រួមទាំងការធ្វើកោសល្យវិច័យដើម្បីកំណត់ពីមូលហេតុនៃគ្រោះថ្នាក់ និងចាត់ការទៅតាមផ្លូវច្បាប់ចំណែកយករថយន្តដែលរងការខូចខាតក៏បានយកចេញពីកន្លែងកើតហេតុផងដែរ។សាកសព​ត្រូវ​បាន​ប្រគល់​ទៅ​ឱ្យ​មូលនិធិ Ruam Katanyu ដើម្បីយកទៅធ្វើ​កោសល្យវិច្ច័យនៅមន្ទីរពេទ្យ​សាកលវិទ្យាល័យ Thammasat។ ក្រុម​គ្រួសារ​សព​នឹង​ត្រូវ​បានជូន​ដំណឹង​ដើម្បី​យកសព​មក​គោរព​វិញ្ញាណក្ខន្ធ​ជាលើកចុង​ក្រោយ។ The thiager/Khmer Times