នា​យ​ករដ្ឋមន្ត្រីកម្ពុជាព្រួយ​បារម្ភអំពីស្ថានការ​ណ៍​កាន់តែធ្លាក់ដុនដា​បនៅ​មីយ៉ា​ន់ម៉ា

 សម្តេចនាយក​រដ្ឋមន្ត្រី ហ៊ុន សែនបាន​បញ្ជាក់​ជា​ថ្មី​អំពី​ការ​ព្រួយ​បារម្ភ​របស់​សម្តេចចំពោះ​ការ​កើន​ឡើង​នៃ​ភាព​តានតឹង​ក្នុង​ប្រទេស​មីយ៉ាន់ម៉ា។

សម្តេចបានថ្លែងក្នុងឱកាសអញ្ជើញជាអធិបតីក្នុងពិធីប្រគល់សញ្ញាបត្រដល់និស្សិតនៃសាកលវិទ្យាល័យភូមិន្ទនីតិសាស្ត្រនិងវិទ្យាសាស្ត្រសេដ្ឋកិច្ច ជិត៦ពាន់នាក់ នៅមជ្ឈមណ្ឌលសន្និបាត និងពិព័រណ៌កោះពេជ្រ កាលពីថ្ងៃច័ន្ទថា«ស្ថានភាពបច្ចុប្បន្នក្នុងប្រទេសមីយ៉ាន់ម៉ា បានឈានទៅរកសង្គ្រាមស៊ីវិលកាន់តែធំ»។សម្តេចបានសង្កត់ធ្ងន់ថា“ស្ថានភាព​ក្នុង​ប្រទេស​មីយ៉ាន់ម៉ា​គឺ​ខុស​ពី​មុន​។ ការព្រមព្រៀងឯកច្ឆន្ទចំនួន៥ចំណុចគឺនិយាយអំពីការទប់ស្កាត់អំពើហិង្សា ការបង្កើតការសន្ទនាការផ្តល់ជំនួយមនុស្សធម៌និងការស្វែងរកដំណោះស្រាយតាមរយៈការចរចាប៉ុណ្ណោះ។សម្តេចបានលើកឡើងពីតម្រូវការដើម្បីធ្វើបច្ចុប្បន្នភាពបញ្ហានេះ (5PC)នៅក្នុងកិច្ចប្រជុំអាស៊ានកន្លងមក។សម្តេចបានបន្ថែមទៀតថា សង្រ្គាមស៊ីវិលនឹងអូសបន្លាយពេលយូរ ហើយស្ថានការណ៍ក្នុងប្រទេសមីយ៉ាន់ម៉ាមានភាពស្មុគស្មាញដូចដែលកម្ពុជាធ្លាប់ជួបប្រទះ ដោយសម្តេចបានគូសបញ្ជាក់ថា វាជាភ័ព្វសំណាងសម្រាប់កម្ពុជាក្នុងការចាកចេញពីសង្គ្រាមស៊ីវិលតាមរយៈនយោបាយឈ្នះ-ឈ្នះ ។ប៉ុន្តែវាមិនប្រាកដថានយោបាយឈ្នះ-ឈ្នះនៅកម្ពុជា អាចអនុវត្តបានក្នុងប្រទេសមីយ៉ាន់ម៉ានោះទេ។សម្តេចបានលើកឡើងទៀត​ថា​៖«​ដូច្នេះ​យើង​គួរ​មាន​មោទនភាព​ចំពោះ​គោលនយោបាយ​ឈ្នះ​-​ឈ្នះ​នេះហើយរួមគ្នា​ឈាន​ទៅ​រក​គោលដៅ​ដែល​យើង​ចង់​បាន​»​៕AKP/Khmer Times