កម្ពុជានឹងចូលរួមពិធីចូលកាន់តំណែងរបស់ប្រធានាធិបតីតួកគី
លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេសនិងសហប្រតិបត្តិការអន្តរជាតិក្នុងឋានៈជាតំណាងដ៏ខ្ពង់ខ្ពស់របស់សម្តេចនាយករដ្ឋមន្ត្រី ហ៊ុន សែននឹងអញ្ជើញចូលរួមក្នុងពិធីចូលកាន់តំណែងជាប្រធានាធិបតីនៃសាធារណរដ្ឋតួកគីដែលនឹងប្រព្រឹត្តទៅនៅទីក្រុងអង់ការ៉ានៅថ្ងៃនេះ។ការចូលរួមនេះធ្វើឡើងតបតាមការអញ្ជើញរបស់ប្រធានាធិបតីនៃសាធារណរដ្ឋតួកគីដែលបានគូសបញ្ជាក់ក្នុងសេចក្តីប្រកាសព័ត៌មានរបស់ក្រសួងការបរទេសនិងសហប្រតិបត្តិការអន្តរជាតិកម្ពុជា។
លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេសនិងសហប្រតិបត្តិការអន្តរជាតិ នឹងធ្វើដំណើរទៅកាន់ប្រទេសតួកគី។អ៊ីនធឺណិត
សេចក្តីប្រកាសព័ត៌មានបានបន្តថា៖ «កម្ពុជានិងតួកគីមានចំណងមិត្តភាពស្និទ្ធស្នាលនិងរឹងមាំនិងកិច្ចសហប្រតិបត្តិការយ៉ាងជិតស្និទ្ធប្រកបដោយថាមវន្តនៅគ្រប់វិស័យដែលផ្តល់ផលប្រយោជន៍ទៅវិញទៅមក»។“វត្តមានរបស់លោកឧបនាយករដ្ឋមន្ត្រី ប្រាក់ សុខុន នៅក្នុងឋានៈដ៏សំខាន់ដែលបានរៀបរាប់ខាងលើ នឹងរួមចំណែកពង្រឹងបន្ថែមទៀតនូវទំនុកចិត្តនយោបាយទៅវិញទៅមក និងលើកកម្ពស់ទំនាក់ទំនងកាន់តែរីកចម្រើនរវាងប្រទេសទាំង២”។កម្ពុជា និងតួកគីបានបង្កើតទំនាក់ទំនងការទូតនៅឆ្នាំ ១៩៥៩។ តួកគីបានបើកស្ថានទូតរបស់ខ្លួននៅភ្នំពេញក្នុងឆ្នាំ ២០១៣ ខណៈដែលស្ថានទូតកម្ពុជានៅទីក្រុងអង់ការ៉ាត្រូវបានបើកសម្ពោធកាលពីឆ្នាំមុន៕AKP/KhmerTimes
/unnamed.png
Post a Comment