នាយករដ្ឋមន្រ្តីកម្ពុជាចង់ឃើញពិភពលោករកការស្រុះស្រួលគ្នារកវិធីទំនាក់ទំនងនៃភាពតានតឹងរវាងអាមេរិក-ចិន
សម្ដេច ហ៊ុន សែននាយករដ្ឋមន្រ្តីនៃកម្ពុជាបានគូសបញ្ជាក់ថាកម្ពុជា ចង់ឃើញពិភពលោករកការស្រុះស្រួលគ្នាមួយដើម្បីគ្រប់គ្រងទំនាក់ទំនង ជាពិសេសភាពតានតឹងរវាងសហរដ្ឋអាមេរិកជាមួយចិន ព្រោះសង្គ្រាមត្រជាក់បានកើតរួចទៅហើយ។ ការគូសបញ្ជាក់របស់សម្ដេចនាយករដ្ឋមន្រ្ដីនេះក្នុងពិធីប្រគល់សញ្ញាបត្រជូននិស្សិតបញ្ចប់ការសិក្សាពីសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច នាព្រឹកថ្ងៃទី០៥ ខែមិថុនា ឆ្នាំ២០២៣ នៅមជ្ឈមណ្ឌលសន្និបាតកោះពេជ្រ រាជធានីភ្នំពេញ។
សម្ដេចហ៊ុន សែន បានថ្លែងថា បញ្ហាភូមិសាស្ដ្រនយោបាយ ក្លាយទៅជាប្រធានបទដ៏ក្ដៅគគុកគឺសង្គ្រាម មិនមែនជាបញ្ហាសង្គ្រាមរវាង រុស្ស៊ីនិងអ៊ុយក្រែននោះទេ។សម្ដេចបានថ្លែងបញ្ជាក់ថា៖ «ឥឡូវនេះ តំបន់អាស៊ីកំពុងជាគោលដៅនៃបញ្ហាប្រឈមដ៏គ្រោះថ្នាក់»។ សម្ដេចលើកឡើងថា ឥឡូវប្រទេសមួយចំនួន បានបញ្ជូននាវាចូលមកកាន់ ក្នុងតំបន់ភូមិសាស្ដ្រអាស៊ីអាគ្នេយ៍ហើយតម្រង់ឆ្ពោះទៅរកសមុទ្រចិនខាងត្បូង។បន្ថែមពីលើនោះសម្ព័ន្ធភាពខ្នាតតូចទាក់ទងទៅនឹងការប្រើប្រាស់នាវាមុជទឹកដើរដោយនុយក្លេអ៊ែរ រវាង អាម៉េរិក អង់គ្លេស អូស្ដ្រាលី ក៏កំពុងក្លាយទៅកង្វល់របស់អាស៊ាននិងបណ្ដាប្រទេសក្នុងតំបន់ ព្រោះថា អាស៊ាន មានចំណុចពិសេសរបស់ខ្លួនគឺជាតំបន់គ្មានអាវុធនុយក្លេអ៊ែរ ហើយប្រឆាំងការរីកសាយភាយអាវុធនុយក្លេអ៊ែរផងដែរ។ សម្ដេចនាយករដ្ឋមន្រ្ដីបានសង្កត់ធ្ងន់ថាបើសិនគ្មានហានិភ័យអ្វី ក៏វាជាចំណុចចាប់ផ្ដើមនៃការរត់ប្រណាំងអាវុធក៏មានគ្រោះថ្នាក់។ សម្ដេចបញ្ជាក់បន្ថែមថា៖«ខ្ញុំយល់ឃើញថាបើសិនបន្ដស្ថានភាពនេះតទៅទៀតពិភពលោកនឹងប្រឈមគ្រោះថ្នាក់កាន់តែធំ។ក៏ប៉ុន្ដែយើងនូវតែមានសុឆន្ទៈថា ពិភពលោករកការស្រុះស្រួលគ្នាមួយដើម្បីគ្រប់គ្រងទំនាក់ទំនង ជាពិសេសភាពតានតឹងរវាងសហរដ្ឋអាមេរិកជាមួយចិន គឺត្រូវរកវិធីគ្រប់គ្រងទំនាក់ទំនងនេះហើយចៀសវៀងឱ្យបានកើតឡើងវិញ ព្រោះថាសង្គ្រាមត្រជាក់បានកើតរួចទៅហើយធ្វើយ៉ាងណាទប់ស្កាត់កុំក្លាយ ជាហានិភ័យគ្រោះថ្នាក់នៃសង្គ្រាមចាប់ផ្ដើមពីការប៉ះទង្គិចគ្នាដោយអាវុធណាមួយ»។ ជាមួយគ្នានោះដែរសម្ដេចនាយករដ្ឋមន្ដ្រីបានកត់សម្គាល់ឃើញថាអង្គការណាតូធ្លាប់តែនៅទិសខាងលិចឥឡូវណាតូកំពុងបែរឆ្ពោះមកកាន់តំបន់អាស៊ី៕AKP
/unnamed.png
Post a Comment