សម្តេចនាយករដ្ឋមន្រ្តី ហ៊ុន សែន កាលពីម្សិលមិញមានប្រសាសន៍ថា កម្ពុជាមានឥទ្ឋិពលធនធានរ៉ែនៅក្រោមបាតសមុទ្ររង់ចាំការជីករុករកនិងការវិនិយោគ។
 |
អណ្តូងបូមប្រេងឆៅក្រុមហ៊ុនKrisEnergy នៅតំបន់ប្រេងអប្សរាក្នុងប្លុក A ។ ក្រសួងរ៉ែនិងថាមពល/postkhme |
ក្នុងពិធីសម្ពោធដាក់ឲ្យប្រើប្រាស់ជាផ្លូវការ រោងចក្រប្រព្រឹត្តកម្មទឹកស្អាតបាក់ខែង ស្ថិតនៅសង្កាត់បាក់ខែង ខណ្ឌជ្រោយចង្វារ នាព្រឹកថ្ងៃ១៩ ខែមិថុនា សម្តេចហ៊ុន សែន មានប្រសាសន៍ថាកម្ពុជាមានប្រេងនៅតំបន់ទន្លេសាប និងសមុទ្រ មានទាំងនៅក្នុងដី ព្រមទាំងក្នុងទឹក។សម្តេចមានប្រសាសន៍ថា កម្ពុជាមានធនធានរ៉ែ ដែលតម្រូវឲ្យមានការសិក្សាមុនពេលចាប់ផ្តើមវិនិយោគ។សម្តេចមានប្រសាសន៍ថា៖ « សង្ឃឹមថាអនាគតកម្ពុជាយើង អាចនឹងមានប្រេង ហើយប្រេងនៅតំបន់ទន្លេសាបក៏អាចមានក្នុងដីគោកក៏អាចមាន ក្នុងទឹកក៏អាចមានគ្រាន់តែយើងមិនទាន់សិក្សាអស់ »។សម្តេចមានប្រសាសន៍បន្ថែមថា «ប្រទេសខ្មែរ អត់ទាន់បានខួងយកប្រេងនៅក្រោមដីទេ។ ប្រទេសខ្លះ គេខួងប្រេងក្រោមបាតសមុទ្រ ក្រោមដី យកមកប្រើប្រាស់លក់ឲ្យយើងទៀត រាល់ថ្ងៃនេះ។ប៉ុន្ដែយើងមិនទាន់បានខួងយកប្រេងទេ ខួងបានម្ដងគេថា តិចពេក ក្រុមហ៊ុនក្ស័យធន រត់ចោលយើង ទម្រាំយកបានវិញ ខំបូមប្រេងចេញមក ក្រុមហ៊ុនក្ស័យធនទៅ ដោយសារបានចំនួនតិច»។រដ្ឋាភិបាលកម្ពុជាបានចុះហត្ថលេខាលើកិច្ចព្រមព្រៀងជាមួយក្រុមហ៊ុន KrisEnergy តាំងពីឆ្នាំ២០១៧។ ដោយក្រុមហ៊ុនមួយនេះ គ្រោងអភិវឌ្ឍន៍ការបូមប្រេងឆៅជា៣ដំណាក់កាលដោយដំណាក់កាលទី១ផ្តើមនៅតំបន់អប្សារាដែលមានអណ្តូងសរុប ៨៥។ក៏ប៉ុន្តែក្រុមហ៊ុនបានយកដំណក់ប្រេងដំបូ ងទៅលើអណ្តូងចំនួន៥ជាការចាប់ផ្តើម ដំបូងសិន ។ក្រុមហ៊ុន «Kris Energy»របស់ប្រទេសសិង្ហបុរីបានបង្ហាញទិន្នផលប្រេងដំបូងរបស់កម្ពុជាចេញពី អណ្តូងប្រេងទាំង ៥ ដែលបានដំណើររួចដោយគិតចាប់ពីថ្ងៃ បញ្ចេញដំណក់ប្រេងដំបូងដល់ថ្ងៃទី៣០ ខែមីនាឆ្នាំ២០២១ជាមធ្យមក្រុមហ៊ុនបូមប្រេងបានត្រឹម២៤៩៣ប៉ារ៉ែលក្នុងមួយថ្ងៃប៉ុណ្ណោះដែលទាបជាងផែនការដែលចង់ បានខ្លាំងពោល គឺប្រមាណ ៧ ៥០០ ប៉ារែលក្នុងមួយថ្ងៃ។ នៅចំពោះមុខនៃទិន្នផលបូមប្រេងទាបជាងផែនការក្រសួងរ៉ែនិងថាមពល ។កម្ពុជាបានផ្អាកដំណើរការបូមប្រេងឆៅទាំងស្រុងបន្ទាប់ពីក្រុមហ៊ុន KrisEnergyដែលមានមូលដ្ឋាននៅប្រទេសសិង្ហបុរី ប្រកាសក្ស័យធននាដើមខែមិថុនាឆ្នាំ២០២១។ ក្រសួងរ៉ែ និងថាមពលបានឲ្យដឹងថាមុនពេលក្រុមហ៊ុន KrisEnergy ប្រកាសក្ស័យធនក្រុមហ៊ុននេះបូមប្រេងពីប្លុកAបានចំនួន២៩ ម៉ឺនបារ៉ែលដោយយករក្សាទុកនៅក្នុងកប៉ាល់មួយដែលលួចដឹកប្រេងកម្ពុជារត់ទៅបាត់ ។រដ្ឋមន្ត្រីក្រសួងរ៉ែ និងថាមពល លោក ស៊ុយ សែម មានប្រសាសន៍ថា តម្រូវការផលិតផលប្រេងរបស់កម្ពុជា ត្រូវគេរំពឹងថានឹងកើនឡើងពី ២,៨លានតោនក្នុងឆ្នាំ២០២០ ដល់ ៤,៨លានតោនក្នុងឆ្នាំ២០៣០។ លោករដ្ឋមន្ត្រីបានអំពាវនាវឱ្យមានការវិនិយោគបន្ថែមទៀតនៅក្នុងវិស័យនេះ ដើម្បីបំពេញតម្រូវការដែលកំពុងកើនឡើងនេះ៕Khmer Times
/unnamed.png
Post a Comment