លោក​Xi​ស្នើ​ឱ្យ​មន្ត្រី​សន្តិសុ​ខ​​ត្រៀម​ខ្លួន​សម្រាប់​"​សេណារីយ៉ូ​ករ​ណី​អាក្រក់​បំ​ផុត"

 ប្រធានាធិបតីចិនលោកXiJinpingបានស្នើឱ្យមន្ត្រីសន្តិសុខកំពូលរបស់ប្រទេសនេះមានការប្រុងប្រយ័ត្នចំពោះស្ថានការណ៍ដ៏ស្មុគស្មាញនិងការប្រឈមចំពោះសន្តិសុខជាតិ។"ភាពស្មុគស្មាញនិងការលំបាកនៃបញ្ហាសន្តិសុខជាតិដែលយើងកំពុងប្រឈមមុខបានកើនឡើងយ៉ាងខ្លាំង។យើងត្រូវប្រកាន់ខ្ជាប់នូវមូលដ្ឋានហើយគិតអំពីសេណារីយ៉ូដែលអាក្រក់បំផុតហើយត្រូវត្រៀមខ្លួនរួចជាស្រេចដើម្បីឈានទៅហួសពីបញ្ហាប្រឈមនៃរលកខ្ពស់ ខ្យល់បក់ខ្លាំង។ ឬសូម្បីតែសមុទ្រដែលមានព្យុះ” ប្រធានាធិបតីចិនលោក Xi Jinping បាននិយាយនៅក្នុងកិច្ចប្រជុំនៃគណៈកម្មាធិការសន្តិសុខជាតិកាលពីថ្ងៃទី៣០ខែឧសភា។លោក Xi Jinping បាននិយាយថា ប្រទេសចិនចាំបាច់ត្រូវពន្លឿនការធ្វើទំនើបកម្មនៃប្រព័ន្ធសន្តិសុខជាតិ និងសមត្ថភាពដោយផ្តោតលើការកែលម្អប្រសិទ្ធភាពនៅក្នុង"ការប្រយុទ្ធ និងប្រតិបត្តិការជាក់ស្តែង"។លោកXiក៏បានអំពាវនាវឱ្យមានការលើកកម្ពស់ការសាងសង់ប្រព័ន្ធត្រួតពិនិត្យហានិភ័យសន្តិសុខជាតិនិងប្រព័ន្ធព្រមានជាមុនបង្កើនការអប់រំសន្តិសុខជាតិក៏ដូចជាការកែលម្អការគ្រប់គ្រងទិន្នន័យ និងការធានានូវបញ្ញាសិប្បនិម្មិត។នេះជាលើកទី១ហើយដែលលោក Xi បានធ្វើជាប្រធានកិច្ចប្រជុំនៃគណៈកម្មាធិការសន្តិសុខជាតិចាប់តាំងពីត្រូវបានបោះឆ្នោតឱ្យអាណត្តិទី៣ជាអគ្គលេខាធិការបក្សកុម្មុយនីស្តចិន។ លោក Xiបានស្នើបង្កើតគណៈកម្មាធិការសន្តិសុខជាតិក្នុងឆ្នាំ២០១៣ហើយបានដឹកនាំតាំងពីពេលនោះមក។កិច្ចប្រជុំគណៈកម្មាធិការត្រូវបានចូលរួមជាញឹកញាប់ដោយប្រធានទីភ្នាក់ងាររដ្ឋាភិបាលនិងភាគីនានាដើម្បីពិភាក្សាអំពីបញ្ហាប្រឈមផ្នែកសន្តិសុខក្នុងប្រទេសនិងក្រៅប្រទេសរួមទាំងបញ្ហាអធិបតេយ្យភាព ផលប្រយោជន៍អភិវឌ្ឍន៍ ស្ថិរភាពសង្គម សន្តិសុខនយោបាយ អ៊ីនធឺណិត និងជីវសាស្ត្រ។ការណែនាំដ៏តឹងតែងចុងក្រោយបំផុតពីលោក Xi Jinping កើតឡើងក្នុងបរិបទដែលចិនកំពុងប្រឈមមុខនឹងបញ្ហាជាច្រើនដូចជាភាពតានតឹងក្នុងទំនាក់ទំនងជាមួយសហរដ្ឋអាមេរិកជម្លោះជាមួយបណ្តាប្រទេសលោកខាងលិចជុំវិញជម្លោះនៅអ៊ុយក្រែន។ទំនាក់ទំនងរវាងអាមេរិក និងចិនកំពុងឈានដល់កម្រិតទាបរយៈពេល៥០ឆ្នាំដោយសារភាពតានតឹងទាក់ទងនឹងពាណិជ្ជកម្ម តៃវ៉ាន់ ឧប្បត្តិហេតុបាញ់ទម្លាក់ប៉េងប៉ោង។ សហរដ្ឋអាមេរិកបានដាក់ទណ្ឌកម្មលើក្រុមហ៊ុនចិនមួយចំនួនក្នុងរយៈពេលប៉ុន្មានឆ្នាំចុងក្រោយនេះ ដោយលើកឡើងពីការព្រួយបារម្ភផ្នែកសន្តិសុខ។ ថ្មីៗនេះប្រទេសចិនបានហាមឃាត់ប្រតិបត្តិករហេដ្ឋារចនាសម្ព័ន្ធសំខាន់ៗរបស់ខ្លួនពីការទិញផលិតផលដែលផលិតដោយក្រុមហ៊ុនផលិតបន្ទះឈីបអាមេរិកMicronTechnologyដោយលើកឡើងពីហានិភ័យសុវត្ថិភាពតាមអ៊ីនធឺណិត"ធ្ងន់ធ្ងរ"។អ្នកជំនាញវាយតម្លៃថាលោកXiតែងតែដាក់សន្តិសុខជាតិជាចំណុចកណ្តាលនៃការយកចិត្តទុកដាក់ហើយចាត់ទុកវាជាគោលគំនិតដែលគ្របដណ្តប់លើគ្រប់វិស័យចាប់ពីនយោបាយ សេដ្ឋកិច្ច ការពារជាតិ វប្បធម៌ រហូតដល់បរិស្ថានវិទ្យា និងអ៊ីនធឺណិត៕ប្រភព CNN/Xinhua

ប្រធានាធិបតីចិនលោកXiJinping។Xinhua