ឯកឧត្តមស សុខានិងលោកជំទាវប្រគេនទៀនវស្សានិងទេយ្យទានដល់ព្រះសង្ឃចំនួន២៦វត្តក្នុងខេត្តព្រៃវែង

ព្រៃវែង៖រសៀលថ្ងៃទី០១ ខែកក្កដា ឆ្នាំ២០២៣ នេះ ឯកឧត្តម ស សុខា រដ្ឋលេខាធិការក្រសួងអប់រំយុវជននិងកីឡានិងជាអនុប្រធានសហភាពសហព័ន្ធយុវជនកម្ពុជា ទទួលបន្ទុកខេត្តព្រៃវែង បាត់ដំបង និងខេត្តបន្ទាយមានជ័យ ជាតំណាងឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក.) និងលោកជំទាវ បានអញ្ជើញប្រគេនទៀនវស្សា និងទេយ្យទានដល់ព្រះសង្ឃ ចំនួន ២៦វត្ត នៅក្នុងខេត្តព្រៃវែង។

ទៀនវស្សា និងទេយ្យទាន ដែលឯកឧត្តម ស សុខា និងលោកជំទាវ បានប្រគេនដល់ព្រះសង្ឃទាំង ២៦វត្ត នាឱកាសនោះ ក្នុង ១វត្តៗរួមមាន ៖ ទៀនវស្សា ១គូ បាឡុង ១ឈុត ស្លាដក ១០ប្រអប់ អង្ករផ្កាខ្ញី ២បាវ ត្រីខកំប៉ុង ១កេសធំ មីជាតិ ៦កេស ទឹកក្រូច ៥កេស ទឹកបរិសុទ្ធ ៥កេស ទឹកស៊ីអ៉ីវ ៥យួរ ទឹកត្រី ៥យួរ អំបិល ៥គីឡូក្រាម ស្ករស ៥គីឡូក្រាម ប៊ីចេង ៥កញ្ចប់ ឆៃប៉ូវ ២គីឡូក្រាមនិងបច្ច័យ ១លានរៀល៕សហការី