កម្ពុជាត្រៀមខ្លួនធ្វើជាម្ចាស់ផ្ទះអាស៊ានប៉ារ៉ាហ្គេមលើកទី១២
កម្ពុជាត្រៀមខ្លួនធ្វើជាម្ចាស់ផ្ទះកីឡាអាស៊ានប៉ារ៉ាហ្គេមលើកទី១២ចាប់ពីថ្ងៃទី៣ ដល់ថ្ងៃទី៩ ខែមិថុនា។លោក យី វាសនា អគ្គលេខាធិការគណៈកម្មាធិការជាតិប៉ារ៉ាឡាំពិកកម្ពុជាបានមានប្រសាសន៍ថាអត្តពលិកកម្ពុជាសរុបចំនួន ២៥២នាក់ ក្នុងនោះស្រី ៧៦ នាក់ នឹងប្រកួតជាមួយអត្តពលិកមកពីប្រទេសអាស៊ីអាគ្នេយ៍ចំនួន ១០ ផ្សេងទៀតក្នុង ១៤ ប្រភេទកីឡា។
ប្រភេទកីឡានៅក្នុងព្រឹត្តិការណ៍ប៉ារ៉ាហ្គេមមាន អត្តពលកម្ម វាយសី បូស៊ីយ៉ា អុក បាល់ទាត់ (ម្ខាង៥នាក់) បាល់ទាត់ (ម្ខាង៧នាក់)បាល់បោះ យូដូ លើកទម្ងន់ ហែលទឹក វាយកូនឃ្លីលើតុបុរស និងនារី បាល់ទះអង្គុយបុរស និងនារី បាល់បោះបុរស និងនារី និងកីឡាអេឡិចត្រូនិក។លោកបានមានប្រសាសន៍ក្នុងកិច្ចប្រជុំជាមួយអត្តពលិកថា“យើងរំពឹងថាចំនួនមេដាយដែលទទួលបានក្នុងការប្រកួតនាពេលខាងមុខនឹងកើនឡើងដល់៥៦ មេដាយពី២៨ មេដាយដែលរកបាននៅក្នុងការប្រកួតកីឡាអាស៊ានប៉ារ៉ាហ្គេមលើកទី១១” ។លោកបានបន្ថែមថា៖ « កម្ពុជារំពឹងថានឹងជាប់ចំណាត់ថ្នាក់ទី៦ក្នុងចំណោមប្រទេសទាំង១១ដែលឈរនៅលើតារាងមេដាយ»។ក្នុងព្រឹត្តិការណ៍អាស៊ានប៉ារ៉ាហ្គេមលើកទី១១ ដែលធ្វើឡើងនៅទីក្រុង Solo ប្រទេសឥណ្ឌូនេស៊ី ក្នុងឆ្នាំ ២០២២ កម្ពុជាដណ្ដើមបានមេដាយមាស ៧ ប្រាក់ ១០ និងសំរឹទ្ធ ១១។ពហុកីឡដ្ឋានជាតិមរតកតេជោ ដែលមានកៅអីអង្គុយចំនួន ៦ម៉ឺនកៅអី នឹងក្លាយជាទីកន្លែងសំខាន់សម្រាប់ពិធីបើក បិទ និងការប្រកួតនានា៕ Xinhua/Khmer Times
/unnamed.png
Post a Comment