'ថ្ងៃវិ​នាស'នឹង​ម​​កដ​​ល់ស​ម្រាប់អ​​ច​​លនទ្រព្យពា​​​ណិជ្ជកម្ម?

 “អចលន​ទ្រព្យ​ពាណិជ្ជកម្ម​កំពុង​ធ្លាក់​ចុះ។វានឹងមានរយៈពេលជាច្រើនឆ្នាំមុនពេលយើងយល់យ៉ាងពិតប្រាកដពីការខូចខាតដែលជំងឺរាតត្បាតបានធ្វើចំពោះពិភពលោក”។

លោក Ross Perot Jr.។រូបថត៖ THE REAL DEAL

ប្រធានសាជីវកម្មទិន្នន័យអេឡិចត្រូនិក Perot និងក្រុមហ៊ុនអចលនទ្រព្យ Hillwood ក្នុងរដ្ឋតិចសាស់(សហរដ្ឋអាមេរិក) Ross Perot Jr. បាននិយាយដូច្នេះនៅក្នុងបទសម្ភាសន៍ជាមួយទស្សនាវដ្តី Fortune ហើយបាននិយាយថាបន្ទាប់ពីរយៈពេល៤ទសវត្សរ៍នៃអតិផរណាទាបនិងអត្រាការប្រាក់ទាបនោះយុគសម័យនៃ"លុយថោក" ត្រូវបានបញ្ចប់។បច្ចុប្បន្នអត្រាការប្រាក់ខ្ពស់និងឥណទានតឹងតែងកំពុងធ្វើឱ្យការខ្ចីប្រាក់កាន់តែថ្លៃនិងពិបាក។ក្រៅ​ពី​នេះ មាន​និន្នាការ​ផ្លាស់​ប្តូរ​ទៅ​ធ្វើ​ការ​ពី​ផ្ទះ។ ជាលទ្ធផល អចលនទ្រព្យពាណិជ្ជកម្មជាទូទៅនឹងថយចុះ ហើយអាចនាំទៅរកវិបត្តិសេដ្ឋកិច្ច។ថ្មីៗនេះ ទស្សនាវដ្ដី Fortune ក៏បានរាយការណ៍ផងដែរថាគ្រប់ភ្នែកទាំងអស់គឺទៅលើផ្នែកការិយាល័យ ហើយអ្នកខ្លះថាវាបានដួលរលំ។លោក Fred Cordova នាយកប្រតិបត្តិ និងជាស្ថាបនិកក្រុមហ៊ុនឈ្មួញជើងសាអចលនទ្រព្យពាណិជ្ជកម្ម និងក្រុមហ៊ុនប្រឹក្សា Corion Enterprises ដែលមានមូលដ្ឋាននៅ Santa Monica បាននិយាយថា "អ្វីដែលកំពុងកើតឡើងនៅក្នុងការិយាល័យគឺជា apocalypse" ។ យើងកំពុងបង្កើត "ខ្មោចឆៅយក្ស" ។ ទាំង​នោះ​គឺ​ជា​អគារ​ដែល​គ្មាន​អ្នក​ណា​ចង់​ដាក់​លុយ ហើយ​សំណង់​ទាំង​អស់​កំពុង​ខូច​ខាត»។យោងតាមលោកPerotអចលនទ្រព្យពាណិជ្ជកម្មភាគច្រើនត្រូវបានសាងសង់ដោយបំណុលខណៈពេលដែលបច្ចុប្បន្នវាពិបាកក្នុងការទទួលបានប្រាក់កម្ចីទិញអចលនទ្រព្យ។កាន់តែលំបាកនៅពេលដែលប្រាក់កម្ចីទាំងអស់នេះមកដល់។តើ​ធនាគារ​មាន​លុយ​ដើម្បី​ពន្យារ​កម្ចី​ទេ? នោះ​ជា​សំណួរ​ធំ។ ទោះបីជាវាជាទ្រព្យសម្បត្តិដ៏ល្អក៏ដោយធនាគារនៅតែចង់យកដើមទុនដើម្បីពង្រឹងតារាងតុល្យការបច្ចុប្បន្នរបស់ពួកគេ។ដើម្បីរស់រានមានជីវិត វិស័យអចលនទ្រព្យពាណិជ្ជកម្មនេះនឹងឈានចូលដំណាក់កាលរៀបចំរចនាសម្ព័ន្ធឡើងវិញអ្នកអភិវឌ្ឍន៍អចលនទ្រព្យជើងចាស់នឹងអាចទទួលបានទុនសង្គ្រោះ។ប៉ុន្តែមុនពេលដែលវាកើតឡើងរលកនៃប្រាក់កម្ចីអចលនទ្រព្យពាណិជ្ជកម្មកំពុងខិតជិតដល់កាលកំណត់ដែលអាចនាំឲ្យមានការកើនឡើងនូវអត្រាការប្រាក់ និងការពន្យាពេល ចំពេលឥណទានតឹងតែង និងតម្លៃទ្រព្យសកម្មការផលិតមានការថយចុះ។ទោះយ៉ាងណាក៏ដោយ តាមទស្សនៈរបស់លោកPerotវាទាំងអស់គឺផ្តើមចេញពីទំនាក់ទំនងរវាងធនាគារនិងវិស័យអចលនទ្រព្យពាណិជ្ជកម្ម។ប្រសិនបើធនាគារមិនបន្តផ្តល់ប្រាក់កម្ចីទេឧស្សាហកម្មអចលនទ្រព្យពាណិជ្ជកម្មនឹងឈប់។ ប្រាកដជានឹងមានវិបត្តិសេដ្ឋកិច្ច។ហើយនេះមិនមែនទើបតែកើតឡើងនៅសហរដ្ឋអាមេរិកទេ៕ពុតសាម៉ាត់