សមយុទ្ធទ័ពអាកាសដ៏ធំបំផុតរបស់ណាតូក្នុងប្រវត្តិសាស្ត្រ
ណាតូធ្វើសមយុទ្ធទ័ពអាកាសដ៏ធំបំផុតមិនធ្លាប់មានដោយមានការចូលរួមពីទាហានរាប់ពាន់នាក់និងយន្តហោះរាប់រយគ្រឿង។
សមយុទ្ធផ្លូវអាកាស Air Defender 23 របស់អង្គការណាតូបានបើកនៅថ្ងៃទី១២ខែមិថុនា ហើយត្រូវបានគេរំពឹងថានឹងមានរយៈពេលរហូតដល់ថ្ងៃទី២៣ខែមិថុនា ដោយមានការចូលរួមពីកងទ័ពចំនួន១០,០០០នាក់និងយន្តហោះចំនួន២៥០គ្រឿងមកពី២៥ប្រទេស។កងកម្លាំងដែលចូលរួមក្នុងសមយុទ្ធនឹងអនុវត្តសេណារីយ៉ូដើម្បីឆ្លើយតបនឹងការវាយប្រហារលើរដ្ឋសមាជិកណាតូ។ ប្រតិបត្តិការបានកើតឡើងលើទ្វីបអឺរ៉ុបក្រោមការសម្របសម្រួលរបស់ទ័ពអាកាសអាល្លឺម៉ង់។"Air Defender 2023 គឺជាសមយុទ្ធដាក់ពង្រាយឡើងវិញដ៏ធំបំផុតរបស់ណាតូ ចាប់តាំងពីការចាប់ផ្តើម។សកម្មភាពនេះត្រូវបានផ្តល់អាទិភាពខ្ពស់ដោយប្រទេសជាច្រើន។ជាពិសេសសហរដ្ឋអាមេរិកទាក់ទងនឹងថវិកា និងទំនាក់ទំនងជាយុទ្ធសាស្រ្តនិងការសម្របសម្រួលការហោះហើរដែលមានអាំងតង់ស៊ីតេខ្ពស់នៃយន្តហោះរាប់រយគ្រឿងរួមជាមួយនឹង ប្រព័ន្ធការពារដែនអាកាសនិងទ្រព្យសម្បត្តិជាច្រើនទៀតនឹងទាក់ទាញការចាប់អារម្មណ៍ពីប្រព័ន្ធផ្សព្វផ្សាយ” កងទ័ពអាកាសអាមេរិកបាននិយាយ។ស៊ុយអែត ជាប្រទេសមួយដែលកំពុងដាក់ពាក្យចូលរួមជាមួយអង្គការណាតូ ហើយជប៉ុននឹងចូលរួមក្នុង Air Defender 2023។ មន្ត្រីមកពីប្រទេសសមាជិកណាតូបានប្រកាសថាសមយុទ្ធនេះអាចរំខានដល់ជើងហោះហើរស៊ីវិលមួយចំនួននៅអឺរ៉ុបក្នុងអំឡុងពេលដែលកើតឡើង។ឯកអគ្គរដ្ឋទូតអាមេរិកបាននិយាយនៅថ្ងៃទី៧ខែមិថុនាថា "នេះនឹងក្លាយជាសមយុទ្ធដែលនឹងធ្វើឱ្យមានការចាប់អារម្មណ៍យ៉ាងខ្លាំងចំពោះនរណាម្នាក់ដែលកំពុងមើល។សមយុទ្ធនេះនឹងបង្ហាញពីភាពបត់បែននិងសមត្ថភាពប្រតិបត្តិការនៃកម្លាំងឆ្លើយតបយ៉ាងឆាប់រហ័សនៃសម្ព័ន្ធមិត្តយោធាណាតូនៅក្នុងប្រទេសអាល្លឺម៉ង់ Amy Gutmann បាននិយាយនៅថ្ងៃទី៧ខែមិថុនា។អង្គការណាតូបានរៀបចំផែនការសម្រាប់ Air Defender 23 កាលពីប៉ុន្មានឆ្នាំមុន។ បន្ទាប់ពីសង្គ្រាមរុស្ស៊ី-អ៊ុយក្រែនបានផ្ទុះឡើងក្នុងខែកុម្ភៈ ឆ្នាំ២០២២ សម្ព័ន្ធភាពបាននិយាយថាចាំបាច់ត្រូវរៀបចំយ៉ាងម៉ត់ចត់សម្រាប់លទ្ធភាពនៃការវាយប្រហារលើទឹកដីនៃប្រទេសជាសមាជិក។"ទឹកដីរបស់អង្គការណាតូគឺជាខ្សែបន្ទាត់ក្រហមហើយយើងត្រៀមខ្លួនរួចជាស្រេចដើម្បីការពារគ្រប់អ៊ីញ។ទោះបីជាយ៉ាងណាក៏ដោយយើងនឹងមិនធ្វើការហោះហើរណាមួយឆ្ពោះទៅកាន់Kaliningradនោះទេដូច្នេះសមយុទ្ធនេះគឺសម្រាប់គោលបំណងការពារតែប៉ុណ្ណោះ" ។ ទឹកដីដែលស្ថិតនៅតាមបណ្តោយសមុទ្របាល់ទិកមានព្រំប្រទល់ជាប់នឹងសមាជិកណាតូ២គឺប៉ូឡូញ និងលីទុយអានី៕ប្រភពAP
/unnamed.png
Post a Comment