ចក្រភ​ពអ​ង់គ្លេស​​ជួយដល់ក្រុមគ្រួសា​រជន​រងគ្រោះ​នៃ​នាវាមុជទឹកTitan​កងទ័​ពជើងទឹក​អាមេរិកផ្តល់ព័​​ត៌មា​នលម្អិតថ្មី

រដ្ឋមន្ត្រីការបរទេសអង់គ្លេសលោកJames Cleverlyបាននិយាយថា រដ្ឋាភិបាលអង់គ្លេសកំពុងជួយដល់គ្រួសាររបស់ពលរដ្ឋអង់គ្លេសដែលត្រូវបានសម្លាប់នៅក្នុងនាវាមុជទឹកTitan។Cleverlyបាននិយាយនៅក្នុងសេចក្តីថ្លែងការណ៍មួយថា"រដ្ឋាភិបាលអង់គ្លេសកំពុងជួយដល់ក្រុមគ្រួសារនៃអ្នកស្លាប់នៅក្នុងនាវាមុជទឹកTitanនិងផ្តល់ការរំលែកទុក្ខយ៉ាងជ្រាលជ្រៅបំផុតរបស់ពួកគេ" ។

កងទ័ពជើងទឹកអាមេរិកបានរកឃើញសំឡេងផ្ទុះបន្ទាប់ពីនាវាមុជទឹកបាត់ខ្លួន

កាសែត Wall Street Journal បានដកស្រង់សម្តីមន្ត្រីមិនបញ្ចេញឈ្មោះម្នាក់ដែលនិយាយថា ប្រព័ន្ធរបស់កងទ័ពជើងទឹកអាមេរិកបានយកសំឡេងពីការផ្ទុះនៃនាវាមុជទឹក Titanនៅមហាសមុទ្រអាត្លង់ទិកប៉ុន្មានម៉ោងបន្ទាប់ពីការទំនាក់ទំនងត្រូវបានបាត់បង់។យោងតាមកាសែត Wall Street Journal កងទ័ពជើងទឹកអាមេរិកបានចាប់ផ្តើមស្តាប់សំឡេងដើម្បីកំណត់ទីតាំងនាវាមុជទឹកTitanស្ទើរតែភ្លាមៗបន្ទាប់ពីនាវាមុជទឹកបាត់ការទំនាក់ទំនងទំនាក់ទំនង។“កងទ័ពជើងទឹកអាមេរិកបានធ្វើការវិភាគលើទិន្នន័យសូរស័ព្ទ និងបានរកឃើញភាពមិនប្រក្រតីមួយដែលត្រូវនឹងការផ្ទុះនៅតំបន់ជុំវិញកន្លែងដែលនាវាមុជទឹក Titan បានបាត់បង់ទំនាក់ទំនង។ ទោះបីជាមានភាពមិនច្បាស់លាស់ក៏ដោយក៏ព័ត៌មាននេះត្រូវបានចែករំលែកភ្លាមៗទៅកាន់មេបញ្ជាការឧប្បត្តិហេតុដើម្បីជួយស្វែងរក និងជួយសង្គ្រោះ”។កងទ័ពជើងទឹកអាមេរិកមិនបានផ្តល់ព័ត៌មានបន្ថែមទាក់ទងនឹងប្រព័ន្ធរាវរកសំឡេងទេហើយបានស្នើឱ្យរក្សាវាទុកជាសម្ងាត់ ព្រោះខ្លាចប៉ះពាល់ដល់សន្តិសុខជាតិ៕ពុតសាម៉ាត់