យន្ត​​ហោះ​​ទាក់​ទង​នឹង​​ចៅ​ហ្វាយW​agnerនៅ​ប្រទេស​​​បេឡារុស្ស

 យន្តហោះពាណិជ្ជកម្មដែលបានចុះបញ្ជីនៅក្នុងប្រទេសរុស្ស៊ីដែលទាក់ទងនឹងមេដឹកនាំនៃសាជីវកម្មយោធាឯកជនWagner Yevgeny Prigozhin ទើបតែបានចុះចតនៅប្រទេសបេឡារុស្សនៅថ្ងៃនេះ(ថ្ងៃទី២៧ខែមិថុនា) ។

Embraer Legacy 600 ដែលមានលេខ RA-02795 ជាកម្មសិទ្ធិរបស់ "ចៅហ្វាយ" Wagnerលោក Yevgeny Prigozhin ។ រូបថត៖ OSINTdefender

Reutersបានដកស្រង់ព័ត៌មានដែលបង្ហោះដោយគេហទំព័រតាមដានអាកាសចរណ៍ Flightradar24 ដោយនិយាយថាយន្តហោះ Embraer Legacy 600 ដែលមានលេខ RA-02795 បានហោះហើរពីប្រទេសរុស្ស៊ីទៅកាន់ទីក្រុង Minsk ប្រទេសបេឡារុស្ស នៅម៉ោង៧:៤០ព្រឹក ម៉ោងក្នុងស្រុក នៅថ្ងៃទី២៧ខែមិថុនា។លេខកូដកំណត់អត្តសញ្ញាណរបស់យន្តហោះពាណិជ្ជកម្មនេះត្រូវគ្នាទៅនឹងយន្តហោះដែលជឿថាជាកម្មសិទ្ធិរបស់ "ចៅហ្វាយ" Wagner ដែលត្រូវបានដាក់ទណ្ឌកម្មដោយអាជ្ញាធរសហរដ្ឋអាមេរិក។ទំព័រ Flightradar24បង្ហាញផ្លូវរបស់យន្តហោះពីទីតាំងមិនស្គាល់មួយនៅជិតទីក្រុង Rostov-on-Don ភាគខាងត្បូងនៃប្រទេសរុស្ស៊ី ជុំវិញអ៊ុយក្រែន និងដែនអាកាសរុស្ស៊ី មុនពេលចុះចតនៅរដ្ឋធានីបេឡារុស្ស។មិន​ទាន់​មាន​ព័ត៌មាន​ណាមួយ​បញ្ជាក់​ថា​តើ​អ្នក​ណា​ជា​អ្នក​ដឹក​យន្តហោះឬ​ថា​តើ លោកPrigozhin នៅ​លើ​យន្តហោះ​ឬ​អត់​នោះ​ទេ។យោងតាមកាសែតអេឡិចត្រូនិក Ukrainska Pravda នៅថ្ងៃដដែលនោះ យន្តហោះ BAE 125-800B ដែលមានលេខ RA-02878 បានហោះចេញពី St. Petersburg ដែលជាស្រុកកំណើតរបស់ លោកPrigozhin និងជាក្រុមហ៊ុនរបស់សាជីវកម្មយោធាឯកជន Wagner បានមកដល់ប្រទេសបេឡារុស្សនៅម៉ោង៧:៥៨ ព្រឹក ម៉ោងក្នុងស្រុក។ គេ​មិន​ដឹង​ច្បាស់​ថា​យន្តហោះ​នោះ​ជា​នរណា​ទេ។អាជ្ញាធររុស្ស៊ី និងបេឡារុស្ស មិនបានធ្វើការអត្ថាធិប្បាយលើព័ត៌មានខាងលើទេ។ការវិវឌ្ឍន៍ដ៏គួរឱ្យកត់សម្គាល់នេះកើតឡើងបន្ទាប់ពីការិយាល័យប្រធានាធិបតីបេឡារុស្សបាននិយាយថាលោកPrigozhin បានទទួលយកសំណើរបស់ប្រធានាធិបតីបេឡារុស្ស Alexander Lukashenko ដើម្បីបញ្ចប់ការបះបោរដោយកងកម្លាំង Wagner កាលពីចុងសប្តាហ៍មុន និងចាត់វិធានការបន្ទាប់ដើម្បីបន្ថយស្ថានការណ៍។វិមានក្រឹមឡាំងក៏បានប្រកាសបិទសំណុំរឿងព្រហ្មទណ្ឌប្រឆាំងនឹង លោកPrigozhinហើយថាស្ថាបនិកWagnerអាចចាកចេញពីប្រទេសរុស្ស៊ីទៅកាន់ប្រទេសបេឡារុស ក្រោមការធានារបស់ប្រធានាធិបតី Vladimir Putin៕ពុតសាម៉ាត់