នាយក​​​​រដ្ឋម​ន្ត្រី​សិង្ហបុ​រី​​បញ្ជា​ឱ្យ​ស៊ើប​​អ​ង្កេត​លើ​​កា​រ​​ជួល​រដ្ឋមន្ត្រី​២​​នាក់​

នាយករដ្ឋមន្ត្រីសិង្ហបុរី លោក Lee Hsien Loong បានបញ្ជាឱ្យស៊ើបអង្កេតលើការជួលផ្ទះថ្លៃៗដោយរដ្ឋមន្ត្រីពីររូបនៅក្នុងទីតាំងសំខាន់ៗ។យោងតាម ​​Reuters នាយករដ្ឋមន្ត្រីសិង្ហបុរីលោក Lee Hsien Loongថ្មីៗនេះបានបញ្ជាឱ្យមានការស៊ើបអង្កេតលើការជួលផ្ទះថ្លៃដោយរដ្ឋមន្ត្រីក្រសួងមហាផ្ទៃ K Shanmugam និងរដ្ឋមន្ត្រីការបរទេស Vivian Balakrishnan ។ 

នាយករដ្ឋមន្ត្រីសិង្ហបុរី លោក Lee Hsien Loong ។AP

ការស៊ើបអង្កេតនេះត្រូវបានចាប់ផ្តើមបន្ទាប់ពីអ្នកនយោបាយប្រឆាំង Kenneth Jeyaretnam បានដាក់បញ្ហានេះទៅសភា។ការិយាល័យនាយករដ្ឋមន្ត្រីសិង្ហបុរីបាននិយាយថា លោក Lee Hsien Loong បានចាត់រដ្ឋមន្ត្រីសម្របសម្រួលសម្រាប់សន្តិសុខឱ្យទទួលបន្ទុកស៊ើបអង្កេត "ដើម្បីពិនិត្យមើលករណីនេះដោយប្រុងប្រយ័ត្ននិងកំណត់ថាតើរដ្ឋមន្ត្រីទាំង២បានរំលោភលើនីតិវិធីដែរឬទេ"។លទ្ធផលនៃការស៊ើបអង្កេតគួរតែធ្វើឡើងនៅខែកក្កដា។នាយករដ្ឋមន្ត្រី Lee Hsien Loong បាននិយាយថា "ការស៊ើបអង្កេតត្រូវបានអនុវត្តដើម្បីធានាថារដ្ឋាភិបាលកំពុងរក្សាស្តង់ដារខ្ពស់បំផុតនៃសុចរិតភាព" ។ឆ្លើយតបនឹងព័ត៌មានខាងលើ លោករដ្ឋមន្ត្រី Shanmugamបាននិយាយថាគណបក្សប្រឆាំងកំពុងធ្វើការចោទប្រកាន់ “ដ៏ហួសចិត្ត” ហើយទទូចថាលោកមិនមានអ្វីត្រូវលាក់បាំងឡើយ។ ទន្ទឹមនឹងនោះលោករដ្ឋមន្ត្រី Balakrishnan បាននិយាយថា លោកពិតជា “រីករាយ” ដែលរដ្ឋាភិបាលកំពុងស៊ើបអង្កេត។យោងតាមទីភ្នាក់ងារព័ត៌មាន Reutersករណីនេះកំពុងទទួលបានការចាប់អារម្មណ៍យ៉ាងខ្លាំងពីប្រជាជនសិង្ហបុរីពីព្រោះប្រទេសនេះមានមោទនភាពជាយូរណាស់មកហើយលើឧបករណ៍របស់រដ្ឋដែលមិនអាចពុករលួយបាន។ ប្រាក់បៀវត្សរ៍ប្រចាំឆ្នាំរបស់រដ្ឋមន្ត្រីគឺច្រើនជាង១លានSGDដែលជាកម្រិតខ្ពស់បំផុតក្នុងការទប់ស្កាត់អាកប្បកិរិយាពុករលួយ៕ពុតសាម៉ាត់